किनारा

नर्मदा किनारा

*********

श्वासात भरून वारा

सोडून विश्व पसारा

भटकेल भोवती मी  

होवून तुझा किनारा   

  

रक्तात माखु दे टाचा

देहास दाह उन्हाचा

प्रत्येक स्पर्श सुखाचा

असेल तुझ्या जलाचा

ते रंग मावळतीचे

गूढ गुंजन अंधाराचे

मज स्वप्न तारकांचे

दीप दिसो प्रकाशाचे

जनरीत व्यवहार

मज नकोच आता ग

हे सुटुनी बंध सारे

तव कुशीत यावे  ग

भय द्वेष दु:ख चिंता

जावे सारे हरवून

यशगान कीर्ती प्रीती

यावी तुझी मुखातून

डॉ . विक्रांत प्रभाकर तिकोणे

https://kavitesathikavita.blogspot.com