जर तुला कधी कुठे
प्रेम असेच भेटले
अंगणात हिमशुभ्र
छान चांदणे पडले
आनंदाने नृत्य कर
दोन्ही हात उंचावून
प्रेमाचे संगीत अन
वाहू देत रक्तातून
खरे वा खोटे असेल
थोडीशी भीती वाटेल
पाण्यात पडल्याविना
कोण तरणे शिकेल ?
डोळ्यात त्याच्या पाहता
तुला सार ते कळेल
आणि तुझ्या मनामध्ये
एक गुलाब फुलेल
तो गुलाब उगाचच
सुकून देवू नकोस
हाक येता कानावर
हिशोब करू नकोस
डॉ विक्रांत प्रभाकर तिकोणे
http://kavitesathikavita.blogspot.in/
कोणत्याही टिप्पण्या नाहीत:
टिप्पणी पोस्ट करा