फासावर काय होते
मला पाहायचे होते
लटकणाऱ्या देहाचे
मला आकर्षण होते
म्हणून एक दिवशी
मीहि ते नाटक केले
बांधूनी गळ्यात दोर
स्टूल ढकलून दिले
छातीमध्ये दुभंगून
प्राण कासावीस झाला
वेदनेत ताठलेला
देह मग शांत झाला
म्हणजे काय घडले
तरी नव्हते कळले
जाणीव आली तेधवा
समोर काही दिसले
कवळून आई मला
करीत आकांत होती
सुन्नपणे बाबा अन
बसले खुर्ची वरती
आलेले पोलीस अन
शेजारी जमलेले ते
संशयी अविश्वासाने
त्यांनाच पाहत होते
आता मजला आईला
स्पर्श येईना करता
आणि बाबांना ती सारी
हकीकत हि सांगता
विक्रांत प्रभाकर
http://kavitesathikavita.blogspot.in/
कोणत्याही टिप्पण्‍या नाहीत:
टिप्पणी पोस्ट करा