एक कविता तुझ्यासाठी

एक कविता तुझ्यासाठी

मी कधी लिहिली होती

जी न कधी तुजला परि

मी दाखवली होती  

तसे कवितेत माझ्या

नवे असे काही नाही

तीच प्रीती तेच झुरणे 

कळ्या फुले देणे काही

आता या कवितेला

तसा काही अर्थ नाही

तुझ्या जगात मी अन

माझ्या जगात तू नाही

कळत नाही तरी का

हि कविता जपतोय मी

वेडेपणाला हसतोय माझ्या

का आत कुठे रडतोय मी

विक्रांत प्रभाकर

http://kavitesathikavita.blogspot.in/