गुपित

गुपित

*****

तशी गोष्ट नवी नाही जगाला अज्ञात नाही

वाळू वरच्या रेषांचे पाणी कधी होत नाही ॥१

 

म्हटलं तर गुपित म्हटलं तर ते नाही

तुटलेल्या पतंगाचा गोत सापडत नाही ॥ २

आयुष्याला गंध येतो क्षण क्षण भरू जातो 

वाटसरु वेडा खुळा तरी का थांबत नाही ॥३

मग रक्त तापलेले खुळे डोळे भिजलेले

घेवूनी पथी निघता दिशा सापडत नाही ॥४

त्याचे पाय फाटलेले माथी उन तापलेले 

काही केल्या मुक्कामाचे पेणे सापडत नाही ॥५

दत्ता तुझे जग वेडे पुढ्यात साखर पेढे 

परी मुखी घालू जाता हात पोहचत नाही ॥६

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ 🕉️ .