खेळ
****
प्रश्न सारे फुटलेले उत्तरेही रुळलेली वाट जीवनाची रूढ आहे तशीच चालली ॥१
तेच कष्ट तेच त्राण देही व्रण पेटलेले
तेज तर्रार गारदी वध होणार ठरले ॥२
वेड्या आठवांनी खुळे स्वप्न वाटेत सांडले
मंद मंद प्रकाशात भ्रम कोवळे डसले ॥३
खेळ जीवनाचा असा पुष्प जळात सोडले
भेट सागराची कुणा कपारीत कोण गेले ॥४
कसा म्हणू मी मलाच पथ हवे रे सजले
अंश कोटी कोटी माझे दुःख उरात बांधले ॥५
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️ .
कोणत्याही टिप्पण्‍या नाहीत:
टिप्पणी पोस्ट करा