तुझे शब्द
********
जरी कधी नसतात
तुझे शब्द भोवताली
गरगर फिरतात
तोच अर्थ त्याच खुणा
खुणावती सदोदित
बोलाविल्या वाचूनही
खोलवर घुसतात
किती काळ खणखण
अव्याहत पडे घण
अजून का ओल नाही
रुक्ष उडे धुळी कण
कातळात खोलवर
झरा वाहे झुळझुळ
किती रुंद किती खोल
बोथटले शब्द बोल
युगे झाली पहाडाला
युगे झाली कातळाला
झरतात किती थेंब
साद देत जीवनाला
प्रलयाचे स्वप्न कुण्या
अजूनही पुराणाला
वटवृक्ष पानावर
जाग यावी बालकाला
🌾🌾🌾
© डॉ.विक्रांत प्रभाकर तिकोणे
kavitesathikavita.
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा