तुझीच मर्जी
*********
ज्ञानदेवा विना कशी सांभाळू रे ॥
निघाली माऊली निज माहेराला
लावून माझिया घोर काळजाला ॥
सर्वत्र भरली विश्वची जाहली
आतुर पहाया डोळ्यांची बाहुली ॥
घडली न वारी पडलो संसारी
नागवले देवे लाविले व्यापारी ॥
मुकलो दयाळा महा त्या सुखाला
मी पण माझे रे तिथे सरायला ॥
जाणतो विक्रांत तुझीच ही मर्जी
स्मरतो मनात अक्षर प्रेमाची ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘५१०
कोणत्याही टिप्पण्या नाहीत:
टिप्पणी पोस्ट करा