माझे मन
********
माझे मन मला म्हणते तू धाव
शोध अरे गाव
मुक्कामाचे॥१
कोण चालवतो कोण भुलवतो
शोध रे कोण तो
कुठे आहे ॥२
दिशाच्या या भिंती अवघ्या मोडून
छत हे तोडून
नभाकार ॥३
देहाच्या पिंजरी वाहतो जो वारा
तयाच्या उच्चारा
ऐक जरा ॥३
सोडव रे पीळ कोहम सोहम
आयुष्याचा होम
कर आता ॥४
विक्रांत हातात घेऊनिया प्राणा
अनसुयानंदना
अर्थ मागे ॥५
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘५११
कोणत्याही टिप्पण्या नाहीत:
टिप्पणी पोस्ट करा