******
उगवतो दिवस मावळतो आहे आणि मी असा वाहत आहे
उतरण पाहून पठार माळरान
दऱ्या डोंगराना ओलांडत आहे
पुला खालून धरणा मधून
कालवा होवून पुढे जात आहे
असंख्य प्रवाह माझ्यात सामावून
असंख्य प्रवाहात विखरत आहे
तोच मी नसून तोच तो होवून
जीवन जगून दाखवत आहे
प्राप्तव्य नसून प्राप्तव्य ठरवून
सातत्य लेवून अस्तित्वात आहे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा