दत्ता येई रे
********
दत्ता येई रे भक्ती देई रे मज नेई रे तुझ्या गावा ॥१
धन नको रे मान नको रे
शान नको रे जगतात ॥२
तुला पहावे ह्रदी धरावे
नित्य भजावे हीच वांछा ॥३
या जगताचे सुख क्षणाचे
काय कामाचे माझ्या असे ॥४
तुझ्या वाचून अवघे हीन
घेई काढून अवधूता ॥५
मागे विक्रांत करा निभ्रांत
ठाव पदात देऊनिया॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा