अनाम्याच्या दारी
*************
नामाची रांगोळी
मोतीयांच्या ओळी
पाणीदार ॥
कुणी रेखी नाम
राम कृष्ण हरी
शंकर मुरारी
कुणी नाथ ॥
स्वामी समर्थ वा
प्रभू गुरुदत्त
कुणी ते स्मरत
जगदंब ॥
जया जी आवडी
ठिपके तो जोडी
उभारी रूपडी
शून्यातून ॥
भाव तो फळतो
भक्त हे जाणतो
म्हणुनी धरतो
घट्ट त्यास ॥
अनुसंधानाचे
गोड हे साधन
विक्रांत जाणून
सांभाळतो ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्या नाहीत:
टिप्पणी पोस्ट करा