******
माझ्या मनातील मी पण उघडे
जोडून तुकडे
उगा वाढे ॥
होतो रे आताच
जरी का वाटते
तेव्हा ते नसते
असणेही॥
घडल्या कृतीत
नसे करणारा
येई अवतारा
नंतर तो ॥
आणिक येताच
मागील क्षणाला
म्हणतो आपला
कर्तेपणी ॥
कृती हीच कर्ता
असे खरे तर
म्हणा हवे तर
नसे कर्ता ॥
परी सरताच
त्याचे भान येते
अन चालू होते
मनोराज्य ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्या नाहीत:
टिप्पणी पोस्ट करा