*****
विश्वाची आटणी
करून गुरूंनी
दावियले ॥
विश्वाचा आकार
दिसता दिसेना
मनास कळेना
कोण मी रे॥
आता कुठे जावे
काय ते करावे
आण ना सहावे
दुजेपणी ॥
क्षणात घडते
क्षणात मोडते
लहर चालते
विश्वाची या ॥
अहो जे नाही ते
आहेसे कळते
जसे की चालते
जली जली ॥
कोण हे करतो
कशास वाहतो
विक्रांत जाणतो
तरी नाही ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्या नाहीत:
टिप्पणी पोस्ट करा