तप
*******
होई पाप विमोचन
घेई विक्रांता भोगून
याने प्रारब्ध सरेन
किती कळत घडले
काही नकळत झाले
चित्रगुप्ताने परि ते
सारे लिहून ठेवले
कर्ज घेतलेले सारे
जाई ऋणको भुलून
कर्म सावकार थोर
घेई एकेक मोजून
बरे भोगतो भोगणे
मनी दत्ताला स्मरून
येणे येई मज बळ
बाप करतो सांत्वन
सुख तनाचे मनाचे
इथे भोगून जायचे
दु:ख वाट्यास आलेले
भाग त्याच त्या नाण्याचे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा