दत्त वजा

दत्त वजा

*****

शब्दशब्दांच्या पार

दत्त असे विराजित 

नच येत कधी कुण्या

मन बुद्धीच्या सीमेत ॥

जरी अपारअसीम 

प्रेमरज्जूने बधतो 

भावबळे स्नेह बळे 

मग हृदयी राहतो ॥

दत्त अनंत आकाश 

शब्द गिळुनि प्रचंड 

काळ ग्रासतो क्षणात

शून्य होवून ब्रम्हांड

वेडे पाखरू मग हे

कसे धरेल पंखात

देतो झोकून तयात

अन स्तवितो शब्दात

अर्थ वजा शब्द जसा

शब्द शब्दच नसतो  

दत्त वजा विक्रांत हा

नच विक्रांत असतो  

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘☘☘☘ .