शुक्रवार, ५ नोव्हेंबर, २०२१

आळंदी

आळंदी
******
माझ्या आळंदीची 
काय सांगू ख्याती 
सिद्धांची वसती
तेथे नित्य॥

येतात तापसी 
कोठ कोठून ती
आणिक राहती 
लगटून ॥

जिथे उमापती
होय सिद्धेश्वर 
तेथिचा जागर 
सांगावा का ?॥

आणि ज्ञानदेव 
विष्णु भगवान 
रूप संजीवन 
घेऊनिया ॥

असे कणोकणी 
नामाचे स्फुरण
जया असे कान 
तया कळे ॥

माऊली कृपेने 
घडे येणे-जाणे 
चित्त धुवाळणे 
विक्रांत या ॥

🌾🌾🌾

© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘ .

कोणत्याही टिप्पण्‍या नाहीत:

टिप्पणी पोस्ट करा

शोध

शोध **** श्रेयाच्या शोधात चालतांना  जगण्याचे इप्सित गाठतांना  श्वासात श्वास असे तोवर  आकाशपाताळ एक कर  पालथ्या घाल दाही दिशा  वि...