खुण.
****
मंद चाफ्याचा सुगंध
तनामनाला व्यापतो
दत्त गिरनारी मज
प्रेमे मिठीमध्ये घेतो ॥
व्यापे आकाश धरती
कण कणात भिनतो
मज दावुनिया खुणा
वर चढण्या सांगतो ॥
दत्ते स्वीकारले मला
खूण पटली मनाला
मनी आनंद कल्लोळ
माय कृष्णाई डोळ्याला ॥
सरो बंधने उरली
ठेवी ठेवी रे पदाला
वदे विक्रांत कृपाळा
करी निसंग मजला ॥
****
डॉ. विक्रांत प्रभाकर तिकोणे
http://kavitesathikavita.blogspot.com
***
कोणत्याही टिप्पण्या नाहीत:
टिप्पणी पोस्ट करा