वाचून
****
पडे ना उजेड
जळल्या वाचून
मुर्ती ना आकारे
तासल्या वाचून ॥
घडेना मडके
भाजल्यावाचून
बीजा ना वृक्षत्व
फुटल्यावाचून ॥
करी रे साधन
अवघे अर्पून
साध्य काही ते
तरीच होईन॥
काही न मिळते
पेरल्या वाचून
जल का कुणास
खणल्या वाचून ॥
मागता मिळते
शोधता दिसते
स्वये हरविता
काही सापडते ॥
सांगतो संताचे
काही न मनीचे
जैसे मी पाहीले
बोल हे कृपेचे॥
विक्रांत रमला
कष्टात हासला
सुख आकळून
सांगतो सकळा॥
*******
डॉ. विक्रांत प्रभाकर तिकोणे
http://kavitesathikavita.blogspot.com
कोणत्याही टिप्पण्या नाहीत:
टिप्पणी पोस्ट करा