शनिवार, ८ ऑगस्ट, २०२०

एकाकार वृति

एकाकार वृती
**********
एकाकार वृत्ती 
असो लक्ष्यावर 
जगाचा विसर 
पडो मग ॥

एकच ते ध्यान 
घडावे स्मरण 
एकच रे गाणं 
मनी वाजो॥

जया हवे जे ते
मिळते रे खास 
म्हणूनिया ध्यास 
सोडू नको ॥

तिथे राही स्वस्थ
हालचाली विन 
भासता कंपन
सांडूनिया ॥

माझे ते मीपण 
येवो अंकुरून
घडे ते घडणं 
घडू द्यावे ॥

विक्रांत रमला 
एकांती बसला 
तरंग मिटला 
पाणियाचा ॥

*******
डॉ.  विक्रांत प्रभाकर तिकोणे
http://kavitesathikavita.blogspot.com

कोणत्याही टिप्पण्‍या नाहीत:

टिप्पणी पोस्ट करा

वरदान

वरदान ****** उगा उगाच पथात पाऊस पडुन गेला  थकल्या जीवा तजेला क्षणात देऊन गेला    मागेपुढे होता दग्ध रखरखाट सारा  व्याकुळले प्राण...