कोरडा आड
**********
फाटलेले मन
विटलेले तन
वाहतो मी दत्ता
तुझिया वाचून ॥
साराच उधार
शब्दाचा बाजार
कोरड्या आडात
घुमतो हुंकार ॥
म्हणतात लोक
भक्त रे मजला
परी किती आत
नाटक भरला ॥
उघड्याच साऱ्या
माझ्या व्रण व्यथा
मागे कृपा दवा
तुजलागी दत्ता ॥
काम क्रोध लोभ
मोह माया आग
सोडवी रे दत्ता
जीवन हा रोग ॥
विक्रांत लत्करी
भिकार दुबळा
फक्त आशेवर
तुझिया तगला॥
****
डॉ.विक्रांत प्रभाकर तिकोणे
https:// kavitesathikavita.blogspot.com
कोणत्याही टिप्पण्या नाहीत:
टिप्पणी पोस्ट करा