मंत्रचळ
******
देव मारतो ना कुणा
देव तारतो ना कुणा
तरी तोच मंत्र जुना
म्हणतो मी पुन्हा पुन्हा ॥
देव आधार मनाला
देव सावुली तनाला
घडो घडणारे पुढे
आज दिलासा जीवाला ॥
देव संकटी धावतो
भक्ता आधारही देतो
मोडी नियम आपले
कधी असाही दिसतो ॥
परी हवे रे तेवढे
प्रेम उरात भरले
जीव ओवाळून सारे
देवा आयुष्यची दिले ॥
मंत्र ओठातला माझा
चालो तोवरी दयाळा
लागो मंत्रचळ तुला
व्हावा विक्रांत मोकळा ॥
*****
डॉ. विक्रांत प्रभाकर तिकोणे
http://kavitesathikavita.blogspot.com
कोणत्याही टिप्पण्या नाहीत:
टिप्पणी पोस्ट करा