दत्ता दत्ता मीत हो रे

दत्ता दत्ता मीत हो रे

तुझी फक्त प्रीत दे रे

तव गुण गाण्यासाठी

तूच तुझे गीत दे रे 

दत्ता दत्ता थेट ये रे

कडकडून भेट दे रे

तन मन हरो माझे 

असे काही वेड दे रे 

दत्ता दत्ता माझा हो रे

देह तुझ्या काजा घे रे 

मी पणे जडावला हा 

असह्यसा बोजा ने रे

भजतांना तुज दत्ता 

भजणेही सरू दे रे 

सारे जीवन तूझिया 

पदी लीन होवू दे रे

© डॉ.विक्रांत प्रभाकर तिकोणे
http://kavitesathikavita.blogspot.in