इडा पीडा सारी टळो

इडा पीडा सारी टळो 

दत्त प्रेम उरी झरो

मध्यमेचे महासुख  

चेतनेत माझ्या उरो ॥

उलथून स्वर्ग सारा 

गंगा धरे अवतरो

प्राशितांना पुण्य परा 

मला मीही नच स्मरो ॥

डिंडिंमता अनुहत 

हृदयात असा भरो

कणकण पारा होत 

वारा आर पार सरो ॥

पेटलेल्या वन्हीला त्या

घोट सागराचा पुरो 

स्वप्न सत्य मांडणारे 

वस्त्र अंतरीचे विरो ॥

दत्त स्वप्न विक्रांतचे

दत्ता मध्ये पूर्ण मुरो

भासमान अस्तित्व नि

नाम रूप सारे हरो ॥

© डॉ..विक्रांत प्रभाकर तिकोणे

http://kavitesathikavita.blogspot.in