रविवार, २६ मे, २०१९

का रे उशीर श्रीपादा




का रे उशीर 

पायाखालती वाळू तापली  
नसे माथ्याला कुठे सावली ॥

कंठ सुकला टाहो आटला
चाल चालूनी उर फुटला ॥

त्राण सुटले गात्र थकले 
आणि अवघे यत्न सरले॥

आता केवळ तुझ्या भरोसा 
दिगंबरा रे सरो निराशा ॥

दत्त म्हणता उभा ठाकसी
तुझी ना रे कीर्ती ही ऐसी

मजसाठी मग का उशीर 
धाव श्रीपाद करुणाकर ॥

विक्रांतचे या हसे होवू दे
बोल नावा तव न येवू दे ॥

श्री अवधूता धाव कृपाळा
शरणागता प्रभू सांभाळा‍ ॥

© डॉ..विक्रांत प्रभाकर तिकोणे

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळ्यामधले  स्वप्ना  लंघुनी स्वप्न उरले ॥१ नभात लक्ष दीप उजळले  चांदण्याचे तोरण झाले ॥२ कणा...