कवितेसाठी कविता: दत्त अवतार

रविवार, ५ मे, २०१९

************

तप सतीचे पाहून

सूर मनोमन भ्याले

भोगी हीनदीन झाले

लोभी ठेव्यासी जडले

तप उजाडण्या तिचे

हेतू शरण ते गेले

ब्रह्मा विष्णु महेशा

त्यांनी साकडे घातले

नाट्य त्रिदेवांनी केले

पुत्र प्रेम स्वीकारले

सत्त्व मातेचे दावाया

तिघे साधुवेष ल्याले

नग्न भिक्षा मागूनिया

काही आक्रितही केले

माई पुढती गोंडस

क्षणी बालक ते झाले

लीला अवतार थोर

दत्त दुनियेत आले

चंद्र दुर्वासा सहित

भाग्य महिचे वाढले ॥

लीला विक्रांत वाचतो

क्रिडा दत्ताची वाणतो

माता अनुसया पदी

तन मन हे अर्पितो ॥

कवितेसाठी कविता