मंगळवार, २७ डिसेंबर, २०१६

शब्दातला दत्त



शब्दातला दत्त
यावा स्पंदनात
वृती चाकाटत
हरवाव्या ||

सगुणी सजला
दिसो हृदयात
सरो वहिवाट
सोवळ्याचा ||

जगाआड दडो
डोळ्यातील भक्ती
अंतरीच्या ज्योती
पाजळून ||

मनाच्या एकांती
शून्याचा शेजार
दत्त दिगंबर
मीच व्हावा ||

विक्रांत मागतो
विरळे मागणे
संताचे सांगणे
जाणुनिया ||

 डॉ.विक्रांत प्रभाकर तिकोणे
http://kavitesathikavita.blogspot.in/




कोणत्याही टिप्पण्‍या नाहीत:

टिप्पणी पोस्ट करा

गाणे

गाणे **** काही उरली सुरली  माझी निरोपाची गाणी घेई उचलूनी हाती देई दूर वा सोडुनी ॥१ मुठ करता रिकामी  मुठ मुठ न उरते  होते साठवले ...