तू साद घाल रे जीवा
म्हटला सखा मजला
पण म्हणजे कुणाला
काहीच कळेना मला
साद ही जीव घालतो
असे वाटायचे मला
जीवास साद घालतो
तो असे कोण वेगळा
?
नाही म्हणजे मी
तसा
फार हुशार नाहीये
खरच सांगतो आत
दिवा पेटत नाहीये
डोळे बंद केले अन
शोधू लागलो तयाला
कुठे आहे जीव राव
पाहू म्हटलो आतला
खूप डोके आपटले
साक्षी द्रष्टा
गोळा केले
माझ्यावाचून वेगळे
कुणी नाही सापडले
इथे कुणी आत नाही
बाहेर वा कुणीतरी
जीव वगैरे मित्राला
भ्रम झाला
काहीतरी
डॉ.विक्रांत
प्रभाकर तिकोणे
http://kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा