प्रकाश दाटता

अवघा प्रकाश दाटला कल्लोळ

दिशांना भोवळ अस्तित्वाची ||

नारायण नभी नारायण मनी

भरे कणोकणी दिव्य आभा ||

रंगांचे विभ्रम चाकाटले चित्त

सुवर्णाचा पोत जीवनाला ||

सरला अंधार गात्रात दाटला

डोळिया पाहीला दिव्यारूण ||

सरे कुतूहल सृष्टीचे सकळ

अनंत अपार निरंजन  ||

अंतर्बाह्य शुद्ध निजात्मज्योती

कापुराची वाती विक्रांत हा || 

डॉ.विक्रांत प्रभाकर तिकोणे

http://kavitesathikavita.blogspot.in/