केले दत्तराये उपकृत मला
संतसंग दिला मागितला ||
सत्संगाची राजे प्रभूचे प्रेमिक
भक्त अलौकिक भेटविले ||
एकटा उदास चालतांना वाट
गोकुळीचा थाट दावियला ||
ज्ञानाचे पुतळे ध्यानाचे पर्वत
भक्तीरूप व्यक्त सखे केले ||
जीजी आलो आता माझ्या मी माहेरा
मिळाला निवारा जीवास या ||
आता मनोमळ सहज जाईल
पावेन निर्मळ निजरूप ||
सरो नाव गाव मागतो विक्रांत
संताच्या दारात जन्म जावो ||
डॉ.विक्रांत प्रभाकर तिकोणे
http://kavitesathikavita.blogspot.in/
कोणत्याही टिप्पण्या नाहीत:
टिप्पणी पोस्ट करा