तुझ्यासाठी जगायला
दुनियेत फसायला
रडायला हसायला
बघ आवडेल मला
तुझ्यासाठी चोरीमारी
करीन मी शिवीगाळीं
भांडुनिया सारी आळी
घेईन मी डोईवरी
तुझ्यासाठी खपेन मी
मरमर मरेन मी
पापपुण्य गुंडाळुनी
पैश्यामागे धावेन मी
तुझ्या गोड हसण्याने
प्रेम रस वर्षावाने
उमलते मनी गाणे
खुळखुळ वाजे नाणे
बघ मागे सरू नको
सोडुनिया जावू नको
माझे प्रेम हाराकिरी
नाही त्याला म्हणू नको
बाकी सारे स्वीकारेल
जग सारे ठोकारेल
जीवा फक्त एक आस
प्रेमी असो आलबेल
विक्रांत प्रभाकर
http://kavitesathikavita.blogspot.in/
कोणत्याही टिप्पण्‍या नाहीत:
टिप्पणी पोस्ट करा