मंगळवार, २० मे, २०१४

कविते बद्दल





आम्हा वाटते आम्ही लिहितो  
शब्द काव्य महाप्रसवतो  
खरच सांगतो मित्रा तुजला  
लिह्णारे ते आम्ही नसतो
 ही तो कृपा सरस्वतीची  
जगत्रयातील चैतन्याची  
कळसुत्रा मग तमा कशाची  
स्तुतीची वा त्या टीकेची .
जया आवडे त्यांनी घ्यावे
नको त्यांनी नाकारावे
ज्ञात अज्ञात शब्द सरिता
तिने आपुले वाहत राहावे .
शब्द पहिला कुणी सृजला
शब्द नवा का तयार झाला
अगणित वृक्ष लता सुमने
अनंत रुपी वसंत न्हाला  
विक्रांत प्रभाकर
http://kavitesathikavita.blogspot.in/

कोणत्याही टिप्पण्‍या नाहीत:

टिप्पणी पोस्ट करा

दुर्लभ

दुर्लभ ***** तुझी भक्ती दत्ता असे रे दुर्लभ  मोतीयाचा गर्भ शिंपी जैसा ॥१ ज्याची कुळवाडी असे देवभक्ती  सदाचार वृत्ती सर्वकाळ ॥२ ज...