रविवार, २५ मे, २०१४

तुझ्या प्रीतीचे कवडसे







तुझ्या प्रीतीचे कवडसे
माझ्या मनी उतरतात
माझ्या गर्द अंधारात
स्वप्न उषेचे उसळतात

तुझ्या सावळ्या रूपाने
ये शीतलता हृदयात
माझ्या दु:खाचा अंगार
नाहीसा करते क्षणात

तुझे बोलणे जलधारा
चिंब चिंब मला करतात
तुझेच शब्द चार अन
डोईवरी छत धरतात

लिहिता लिहिता कविता
तुजला मनी आठवतो
तुच कविता सखी माझी
शब्द व्यर्थ हे जाणतो

विक्रांत प्रभाकर
http://kavitesathikavita.blogspot.in/


कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळ्यामधले  स्वप्ना  लंघुनी स्वप्न उरले ॥१ नभात लक्ष दीप उजळले  चांदण्याचे तोरण झाले ॥२ कणा...