नर नारी
******
काय शाप माणसाला इथे मनाचाच आहे
जळते अखंड आग सूर्य तसाच आहे ॥१
कसे वेग वासनांचे उठतात आदीम जे
तोडला वृक्ष कितीदा उभा तसाच आहे ॥२
सरणार ना कधीच का या हट्ट जीवनाचा
हव्यास सृजनाचा जीवना तसाच आहे॥३
म्हटले जरी विसरू तो साराच भुतकाळ
स्मृतीवरी सोनियाचा तो डाग तसाच आहे .॥४
कुणास कशास आता हा द्य‍ावा नवीन साचा
घडला जसा की नंदी दारात तसाच आहे ॥५
तो दाह जाणतो मी नारी तुझ्या मनाचा
दे लाख जन्म पुरूषा गर्भ तसाच आहे ॥६
घेवून कामना कोटी वाहती किती सरीता
झेलून प्रवाह पोटी सागर तसाच आहे ॥७॥
हरवला ध्यानी जरी धरून दत्त ह्रदया
पाहतो स्वत:स सदा विक्रांत तसाच आहे ॥८॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा