दत्त पदी

दत्तपदी

******

शाई मधले शब्द उडू दे

पाना मधले शब्द भिजू दे 

परी ठसले मनी आत ते   

दत्त नाम  नित्य असू दे 

दत्त राम रे दत्त कृष्ण रे 

स्वामी साई नि दत्त हरी रे 

काही म्हण तू  काही रे 

तत्त्व तेच ते दृढ धरी रे 

दत्तास्तव मन रडू हसू दे 

काव्या मध्ये दत्त दिसू दे 

ध्यानी असू दे मनी असू दे 

चित्तवृत्तीत सदा वसू दे 

दत्ता येई रे माझा होई रे 

मीपण मग हे सवे नेई रे 

हेच मागणे विक्रांतचे रे

दत्ता पदी तव जागा दे रे

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘☘☘☘