गोंदवलेकर महाराज आठव
******
माझे महाराज बोलता बोलता
पाणी डोळ्यातून ओघळून येता ॥
लागते तहान अंतरी तयाची
जशी की आठव लेकीला आईची॥
त्यांनीच पेरले नाम हे अंतरी
सुखद सुंदर अमृत वल्लरी ॥
दिधला जीवना सुंदर सुबोध
घडे परमार्थ अरे संसारात ॥
धरणे सोडणे रडणे फेकणे
काही काहीच रे येथे न करणे ॥
तार ती जुळावी अनुसंधानात
देह मग कुठे का तो पडेनात ॥
लेकीच्या कानात सहज सांगते
बोलता-बोलता शहाणे करते ॥
विक्रांत ओवाळी जीव तयावर
ऋण कोटी-कोटी त्यांचे माझ्यावर ॥
******
© डॉ.विक्रांत प्रभाकर तिकोणे
https://kavitesathikavita.blogspot.com
**********
कोणत्याही टिप्पण्‍या नाहीत:
टिप्पणी पोस्ट करा