***********
माझे नेत्र आहे जागे
अजून जागणे का रे
माझे होत नाही जागे
झरतो नभात चंद्र
बघ थेंब अमृताचे
झेलतो मी देहावरी
का होत नाही रे माझे
हि आकाश व्यापलेली
उज्वल शुभ्र वेदना
तिमिरास दे उठाव
ती तुझीच रे कामना
मी मागतो न तुजला
उत्सव या गात्रातला
हा देह मिटून जावा
होत चांदण्याचा शेला
© डॉ.विक्रांत प्रभाकर तिकोणे
https://kavitesathikavita.blogspot.com
कवितेसाठीकविता
**********
कोणत्याही टिप्पण्या नाहीत:
टिप्पणी पोस्ट करा