शब्द
********
करून लगट
धरेल संगत
काय कुणी ॥
शब्द नव्हे प्राण
झाले अवतीर्ण
सार ते घेऊन
जीवनाचे ॥
लिहिले कशाला
नकळे कुणाला
मग आकाशाला
दान दिले॥
ठेवी बा जपून
तुझ्यात कोरून
येई परतून
देई तेव्हा ॥
किंवा कुठे कुणी
भेटता लायक
शब्दांचा नायक
मिठी दे रे ॥
विक्रांत शब्दांचा
धनको रत्नांचा
आतुर हातांचा
वाटण्याला॥
© डॉ.विक्रांत प्रभाकर तिकोणे
https://kavitesathikavita.blogspot.com
कविते पलिकडल्या कविता
**********
कोणत्याही टिप्पण्या नाहीत:
टिप्पणी पोस्ट करा