गुरूदेव दारी
*********
याचक जन्माचा
पाहतोय वाट
रिक्त मी हाताचा ॥
तुडविल्या वाटा
धरीले मी पाय
नच सार्थ झाला
कुठला उपाय ॥
ओघळती मोती
लक्ष आषाढात
थेंब का पडेना
चातक मुखात ॥
आहे काय जन्म
बेवारस माझा
कुण्या गल्लीतल्या
लोचट हातांचा ॥
अहा चाले कुठे
अमुप साधन
कृपापात्र भक्त
शिष्य भाग्यवान ॥
सारे असे काय
अवघे हे खोटे
आत्म संमोहनी
मना सुख वाटे ॥
गुरूदेव दत्ता
धरीले मी पाय
सारा खटाटोप
व्यर्थ होता काय ॥
विक्रांत वळतो
पुन्हा भोगयागी
साली होती काय
कुतरी जिंदगी॥
डॉ. विक्रांत प्रभाकर तिकोणे
https://kavitesathikavita.blogspot.com
कोणत्याही टिप्पण्‍या नाहीत:
टिप्पणी पोस्ट करा