दादा (माझे बाबा)
************
(फादर्स डे निमित्त पुन्हा पोस्ट करतो आहे.)
माझा हिमालय
माझ्या पाठीवर
प्रेमाची पाखर
घालणारा ॥
महावृक्ष मोठा
आकाशी भिडला
मजसाठी झाला
सुख छाया.॥
गहन गंभीर
कृपेचा सागर
परी लाटावर
महानंद ॥
उन्नत उत्तंग
जणू की पर्वत
स्मृतीत सतत
असणारा॥
विचारी विरागी
परी संसारात
प्रारब्ध भोगत
सुखनैव ॥
सधीर गंभीर
हाची असे थोर
नाव मनावर
कोरणारा ॥
उदार विशाल
प्रेमची केवळ
औदार्य सकळ
भरलेला ॥
आम्ही तो भाग्याचे
तया त्या प्रेमाचे
चाखतो कष्टाचे
फळे गोड ॥
आम्हाला आधार
सावली स्नेहाची
कृपाच देवाची
अहर्निश ॥
देई जन्मोजन्मी
हाच पिता देवा
विक्रांता या ठेवा
येता जन्म ॥
***********
© डॉ.विक्रांत प्रभाकर तिकोणे
https://kavitesathikavita.blogspot.com
कोणत्याही टिप्पण्‍या नाहीत:
टिप्पणी पोस्ट करा