मंगळवार, २३ एप्रिल, २०१९

दत्त कृपाराशी





दत्त कृपाराशी
***********

देखिले चरण
भरले हे मन
जगता कारण
वंदीयले  

रोमरोमी माझ्या
दाटली पुनव
प्रकाश पालव
देह झाला

जाहला सोहळा
सखी चालण्याचा
तप वेदनेचा  
साज ल्यालो

पडला उजेड
पूर्व राऊळास
सरूनिया भास
अंधाराचा

प्रभू गिरनारी
कृपा ऐशी केली
वेदनेची झाली
फुले माझ्या

घडले दर्शन
संत सज्जनांचे
मन विनम्राचे
घर झाले

चाले कृपाराशी
सतत सोबती
सुखाचे वाहती
गंध लोट

बाप अवधुत
कृपावंत झाला
हृदयी धरीला
विक्रांत हा

© डॉ.विक्रांत प्रभाकर तिकोणे
http://kavitesathikavita.blogspot.in



कोणत्याही टिप्पण्‍या नाहीत:

टिप्पणी पोस्ट करा

लोभ

लोभ ****** फुटली उकळी  गाणे आले गळा  प्रेमे उजळला  गाभारा हा ॥ १ शब्द सुमनांनी  भरले ताटवे भ्रमराचे थवे  भावरूपी ॥ २ पसरला धूप  ...