काळात्मा
तुझा विनवणी
करीतो नमुनी
काळात्मा येऊनी
छळू नको ॥
धर्माची वासना
करीना छेदन
हे अंत करण
शुद्ध राहो ॥
कलिचे सांगाती
येऊ नको द्वारा
जाऊ दे रे घरा
दत्ताचिया॥
तसा तर आहे
मी तो छळलेला
भारे वाकलेला
पापाचिया॥
बाप राखतोय
म्हणूनही रक्षिला
अंतरी ठेविला
अवधूत ॥
विक्रांत कळाली
कळीकाळ मेख
म्हणूनही विवेक
मागे दत्ता ॥
॥श्री गुरुदेव दत्त ॥
© डॉ..विक्रांत प्रभाकर तिकोणे
****
कोणत्याही टिप्पण्या नाहीत:
टिप्पणी पोस्ट करा