निर्धावल्या नोकरीत
निर्धावला उपकार
इथे काही होत नाही
येणे जाणे उपचार
अडलेल्या जनतेचे
देव आम्ही सरकार
लिहूनिया चार शब्द
ऐट मोठी मारणार
येता कधी जाता कधी
कुणा कोण पुसणार
अळी मिळी चूप चळी
याला तो सांभाळणार
पटापट गर्दी काढा
लिहा सारे साच्यावर
झाल्या तर होवो चुका
मारू साऱ्या फाट्यावर
क्षण कुणी जादा घेता
कावूनिया त्याच्यावर
दहा क्षण वाया जावो
गय नाही करणार
मोठमोठ्या गप्पा मारो
साहेब त्या खुर्चीवर
आम्ही सारे पोहचले
त्याला काय कळणार
येता इथे बसताच
चटके ते बुडावर
कळेल तो त्याला मग
बावट्याचा कारभार
विक्रांत प्रभाकर
http://kavitesathikavita.blogspot.in/
कोणत्याही टिप्पण्‍या नाहीत:
टिप्पणी पोस्ट करा