निदान झाल्यावर चार महिने
डॉक्टरांनी त्याला जगविले होते
जगणे कसले ..?
ते तर मृत्यूचे खेळणे होते
तपासाचे चक्र..
औषधांचा भडीमार ..
किमोची रिएक्शन..
त्यासाठीची इंजेक्शन ..
सिटी स्कॅन.. पेट स्कॅन ..
पुन:पुन्हा अॅडमिशन..
छन.. छन.. छन..
सारा पैसा गेला वाहून
जगण्यासाठी त्यांनी मग
विकू काढली जमीन
नको कोण म्हणणार त्यांना
मनामध्ये असून
सार काही माहित असून
त्यांनी घेतलं लुटवून
अन यांनी लुटून
खर तर तो त्यांच्या
उपचाराचा खर्च नसून
ती होती
त्यांच्या आसक्तीची किंमत
कुणी तरी घेतलेली
क्रूरपणे वसूल करून
विक्रांत प्रभाकर
कोणत्याही टिप्पण्‍या नाहीत:
टिप्पणी पोस्ट करा