वंश लेबल असलेली पोस्ट दाखवित आहे. सर्व पोस्ट्‍स दर्शवा
वंश लेबल असलेली पोस्ट दाखवित आहे. सर्व पोस्ट्‍स दर्शवा

सोमवार, १६ नोव्हेंबर, २०२६

माणूस म्हणून

माणूस म्हणून
******

माझ्या जीवीचे जिव्हार 
गेले किती जरी दूर 
जीव तुटे तयासाठी 
याद येता हूर हूर

रक्त माझेच तयात
गुणसूत्रांची रांगोळी 
पंथ हातात दुसरा 
तरी जीवलग सारी 

 वायु तोच तो प्राचीन
 फिरे  साऱ्या देहातून 
 जल शीतल मधुर 
करे  खोळीला धारण 

तेच अनंत आकाश
तुज मजला व्यापून 
भेद उगवतो वृथा 
कोण्या भेद बुद्धीतून

द्वेष मोकळे हे मन 
प्रेम भाव सनातन 
आगा राहू दे विक्रांता 
एक माणूस म्हणून

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  
☘☘☘☘ 🕉️ **
 

माणूस म्हणून

माणूस म्हणून ****** माझ्या जीवीचे जिव्हार  गेले किती जरी दूर  जीव तुटे तयासाठी  याद येता हूर हूर रक्त माझेच तयात गुणसूत्रांची रा...