प्रतिक्षा
******
उपाधित रमलेले
माझे येणे आणि जाणे
भाळावरी श्रीपादाने
लिहिले ते काय जाणे
बोलावून घेई पदी
देवा हेचि रे मागणे
डोळ्यांमध्ये उमटावे
नभातले निळे गाणे
तूच सदोदित देतो
स्वप्न मज जगण्याचे
रिते जागेपण परि
वाहू किती दिवसांचे
तीच व्यथा तीच क्षुधा
जन्मोजन्मी दाटलेली
डोळीयांची नेत्रपाती
प्रतिक्षेत आटलेली
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा