ज्ञानदेव माझा
*********
प्राणाचा या प्राण माझा ज्ञानदेव प्रभू गुरुदेव कृपाळूवा ॥१
जीवाची पालक माऊली प्रेमळ
प्रेमच केवळ मूर्त रूप ॥२
तयाच्या बोधात जगतो वाढतो
अंगणी खेळतो सुखाने मी ॥३
कधी भटकतो आणि परततो
सदा स्वागता तो उभा दारी ॥४
चुकतो माकतो कधी वाहवतो
तोचि सांभाळतो धाव घेत ॥५
पुन्हा पुन्हा सांगे अर्थ जीवनाचा
मार्ग जगण्याचा नीट मज ॥६
विक्रांते पायाशी घेतला विसावा
नको नाव गावा धाडू आता. ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा