ती भेटली
*******
तशीच मुग्ध हसली
नच खंत वा सांत्वना
कुठे शब्दात उमटली
चार पाच विषयात
सरे बोलणे मिनिटात
ती होती सहजताच
उमटली वाऱ्यात
एक दरवळ तरीही
दाटला मनात
चांदण्याची मंद
अन् झाली बरसात
तपाचा जरी की
दुरावा काळात
मैत्र मनातील
उजळले मनात
बरे येते भेटू पुन्हा
वदली उगा शब्दात
नव्हते वचन किंवा
अपेक्षा निरोपात
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा