अनुभव
*****
आला अनुभव जगताचा काही
कळले मज हे
घर माझे नाही ॥
सोडव मजला
येतो मी धावत
तुझिया मार्गाने
दयाळा परत ॥
ताप भवताप
इथे तिथे रोगी
महाभय दिसे
वेदनांच्या अंगी ॥
त्याचे निवारण
घडो भगवन
जगात या गाजो
तुझे देवपण ॥
नुरावे जगत
नुरावा विक्रांत
व्यापूनिया सारे
उरो फक्त दत्त ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा