कवितेसाठी कविता: लेखन कॉपी पेस्ट करणाऱ्यांना

गुरुवार, १२ जून, २०२५

***********************"

कवी लेखकाच नाव वगळून ,

copy paste करणारे.

जणू घेवू पाहतात श्रेय

कवी लेखकाचे, त्याच्या प्रज्ञेचे ,स्फुर्तीचे .

कदाचित ती एक असूया असू शकते

किंवा न दिसणारा जळफळाट ही

तसेही त्या कवी लेखकाला

कुणी ओळखत नसते .

आणि ओळखणार ही नसते

कधी कुठे भेटले तरी.

तर मग ते नाव काही लोकांना

का खटकते कळत नाही .

सुंदर स्त्रीच्या कपाळावरील कुंकू

किंवा गळ्यातील मंगळसूत्र खटकावे तसे.

त्या तिच्या सौंदर्याच्या गौरवात

दडलेला असतो सौंदर्याचाच उपमर्द .

अन् मग सौंदर्याचा रसिक होवून जातो

लफंगा रोम साईड रोमियो

म्हणूनच सर्व लेखन

समाज मध्यमावरील

नेहमी नावासकट शेअर करावे

आपले अभिजात रसिकत्व

असे सिद्ध करावे🙏.

🌾🌾🌾

https://kavitesathikavita.blogspot.com

☘☘☘☘ 🕉️